سيجار اليوم من شركة صغيرة قاعدة تحفر لها مكانة خاصة في عالم البوتيك سيجار: Warped. حاز سيجار Serie Gran Reserva 1988 على المركز الثالث في قائمة أفضل 25 سيجار لعام 2019. تم تسميته 1988 على ميلاد صاحب ومؤسس الشركة Kyle Gellis اللي أثبت نفسه رغم من صغر عمره مقارنة بمنافسينه.
السيجار نيكاراجوا بورو، يعني كل مكوناته من محاصيل نيكاراجوا (الغلاف الخارجي والداخلي والحشوة). وما تم تصنيعه الا بحجم واحد اللي هو الروبوستو (550). الغلاف الخارجي، Corojo '99، من الأنواع اللي قليل استعمالها في لف السيجار وخلت التجربة مميزة جداً. وفي صور جاية توضح ليه بالضبط.
السيجار كوبي الهوى حتى ولو كان بالكامل من نيكاراجوا. أظن لو إني كنت أدخنه بدون الباند، كنت بأظن اني أدخن كوهيبا روبوستو بسبب الحجم والرابر والنوتة العشبية الطاغية. السيجار فيه نوتات متعددة لكن يالله تحس فيها، تماماً مثل السيجار الكوبي بنظري. أهمها لمسة القرفة على كاراميل محروق.
الحين نجي لبطل الحلقة: الغلاف الخارجي (الرابر). أحس لو أعصر السيجار بينقط زيت من كثر ما الغلاف مشبع بالزيوت العطرية، ولمعته الصورة الأولى وتجعده في الصورة الثانية يشهدون له. وهذا ينعكس على تدخينه بحيث يغلف جوانب الفم من داخل بطبقة زيتية لذيذة تبقى معك حتى بعد ما تنفخ الدخان.
كنت أتمنى لو إني أقدر أدخنه للـ nub بس للأسف السيجار من بعد الباند صار حار جداً على اللمس والتدخين. التجربة ممتعة جداً. اذا انك تبي تدخن سيجار كوبي الروح لكن يمتلك عنفوان محاصيل نيكاراجوا، خل Warped Serie Gran Reserva 1988 قريب منك. تقييمي له: +B.
Comentários