بوست اليوم راح يكون مختلف شوي. بدال ما راح يكون تقييم لسيجار، راح يكون تقييم لـ سيجار لاونج. وراح نبتدي من غرب المملكة؛ تحديداً، من جدة.
اللاونج لليوم هو QLounge، وراح اشرح طريقة التقييم في كل فقرة. بيكون فيه تقييمين: بعضوية وبدون.
حسابهم في انستجرام: @qloungeksa
اولاً، الجلسات:
لغير الاعضاء، فيه جلسات "خارجية" تكون مفتوحة لما يكون الجو معتدل، ومسكرة ومكيفة في اوقات الصيف. الفيو جداً حلو والكنب على الرغم من كونه اوتدور الا انه جلد ومريح جداً. ياخذ ١٨ من ٢٠ لأنه كان فيه غبار بسيط على الكنب.
للأعضاء فيه قسم مخصص من الجلسات الخارجية وجلسات داخلية منفصلة.
الكنبات جلد ومريحة جداً وما هو مسموح بتدخين اي شي غير السيجار هنا. بنرجع للنقطة هذي في قسم الاختصاص. ياخذ هنا ٢٠/٢٠.
الاكل بيكون مقسم لقسمين في التقييم، واحد للقهوة، وواحد للحلى.
طلبت لاتيه مع زيادة شوت، وكانت لذيذة جداً وتحطها في مقارنة مباشرة مع اي كوفي شوب للقهوة المختصة. تاخذ ٢٠/٢٠
الحلى، طلبت كيكة ايس كريم لوتس.
مشكلتي مع موجة الحلى اللي نحصلها في كل كل الكوفي شوبز الحديثة هي انها مبالغ في قد ايش هي حالية. الحلى كان عبارة عن ايس كريم فانيليا مع طبقة لوتس وصوص توت وعسل. التطبيق والتقديم كان ممتاز بس عندي تحفظ على التجربة ككل.
ياخذ ١٥ من ٢٠.
الخدمة:
الستاف كانوا فلبينيين وخدومين بشكل بشوش وسريع ويفتح النفس. وكان بالهم طويل معي على الرغم من كثرة اسئلتي. يستحقون العلامة كاملة ٢٠/٢٠.
(الريڤيو للـ Undercrown Maduro جاي بالطريق وراح اتكلم عن حجمين وكيف ان تغير الحجم ممكن يخلي سيجار ممتاز يصير سيجار اسطوري.. بس هذي قصة ثانية لثريد ثاني)
الاختصاص:
المكان مختص بالسيجار. وفيه قسم يبيعون فيه اكسسوارات السيجار.
فيه للاعضاء ووك إن هيوميدور مع لوكرز داخله وهذا شي نادر تشوفه في السيجار لاونجز.
يعيب اماكن غير الاعضاء تقديمهم للشيشة وسماحهم بتدخين السجائر العادية. ياخذ ٢٠/٢٠ بعضوية و ١٠/٢٠ بدون.
التقييم النهائي:
عضوية QLounge تكلف ٦٠٠٠ ريال في السنة، لكن تعطيك تجربة استثنائية. خصوصاً مع اسعار المنيو المعقولة.
تقييمه مع العضوية: ٩٥ من ١٠٠ وبدون العضوية: ٨٣ من ١٠٠
اذا كنت مدخن سيجار وتدور على لاونج في جدة، انصحك تجربه وبشدة.
Komentarze