سيجار اليوم سيجار غريب جداً، وما فيه أحد في عالم صناعة السيجار قادر على إنتاج مثله غير ستيف ساكا.
ستيف كان بوقت من الاوقات رئيس @drewestatecigar وانتج لنا أحد افضل الخلطات من نيكاراجوا: Liga Privada، لكن قرر يطلع من عندهم وأنشأ شركته DTT، وكان أول منتج عندهم هو الـ Sobremesa.
مفردة Sobremesa هي كلمة أسبانية تطلق على الوقت اللي تقضيه من تخلص من وجبتك الرئيسية لين تقوم من على السفرة. الوقت اللي يكون عادة يكون مخصص للقهوة والحلى واللي تبلغ فيه السوالف منطقة مريحة للروح.
الخلطة (blend) اللي جربتها اليوم اسمها Brûlée، واسمها يعتبر سبويلر للتجربة :)
السيجار خلطته عجيبة. الحشوة جاية من اربع مناطق في نيكاراجوا، والغلاف الداخلي من المكسيك. بس الغلاف الخارجي من الاكوادور: كونيتيكيت مزروع في الظل، وتم تعتيقه لدرجة ان السليولوز اللي في جدران الخلايا النباتية تكسر وتحول لسكّر.
الشي هذا جعل من أول سحبة من السيجار شي مدهش جداً جداً.
السيجار في بدايته يترك طعم حالي وواضح جداً على الفم لدرجة انك تشك ان السيجار منكّه. لكن ستيف ساكا يؤكد ان الطعم هذا نتاج عملية التعتيق وما تم اضافة أي نكهة مطلقاً.
بعد البداية، تبدأ تميز النوتات اللي تتماشى مع المذاق الحلو: نوتة العسل كانت متناغمة مع المكسرات ولمسة القرفة.
السيجار أتعب وانا اقول انه تمت صناعته على أعلى مستوى. خط الاحتراق كان مثل المسطرة، وتماسك الرماد كان رائع سيجار بحجمه (تورو: ٦٥٢).
ستيف ساكا صنع الـ Sobremesa Brûlée حتى يعيد أمجاد سيجار الكونيتيكت من أول وجديد لأنه يشوف إن الخلطات الجديد قاعدة تفقده بريقه، وأشوف إنه نجح بمسعاه. سيجار جميل وينفع للمناسبات الخاصة لكن ما يصلح كسيجار يومي بالنسبة لي. ياخذ solid B من عندي.
Comentários