سيجار اليوم جاي من أقدم شركة عائلية مصنّعة للسيجار JC Newman اللي اصداراتهم دايم ما تكون محط الأنظار في مهرجانات السيجار.
اطلقوا سيجار Black Diamond نسخة الـ Emerald في ٢٠١٧ بالتعاون مع Fuente وأشرف على الخلطة Carlos Fuente الأب والإبن، وحتى حشوة السيجار كانت من محاصيل مزارعهم.
السيجار أكثر شي يلفت الانتباه فيه هو غلافه الخارجي. الرابر من بذور هاڤانا اللي تمت زراعتها في كونيتيكت وقليل جداً اللي يستعملونه لأنه اذا ما تعتق صح يصير قوي فوق الاحتمال. هذا اللي خلاهم ياخذونه ويعتقونه لمدة تتراوح بين ٥-٨ سنوات.
بيّن فرق اللون بين الغلاف والحشوة بعد ما قصيته.
السيجار smooth بشكل مذهل. دايم اسمع عن نوتة الجلد بالسيجار لكن ما سبق ميّزتها بشكل واضح، لكنها هنا طاغية على كل شي ثاني. تشبه الإحساس في قاع الحلق بعد ما تشم شنطة مصنوعة من الجلد الطبيعي. وكانت متناغمة مع النوتة الحمضية اللي تشبه قشر الليمون، ويغلفها كلها طعم التبغ المعتق اللذيذ.
الـ Black Diamond Emerald مثال لجمال السيجار من محاصيل الدومينيكان ويعود الفضل فيها لمزارع Fuente اللي تنتج الـ Opus X وحرفيينهم اللي لفّوا السيجار.
سيجار حلو وتجربته مميزة وينفع كسيجار للويكند بفترات متباعدة. ياخذ +B وما نزّل تقييمه عندي إلا سحبته اللي
كانت ثقيلة خاصة بالبداية.
Comentários