اليوم واستجابةً للاستفتاء، نبدأ سلسلة جديدة اسمها "سيجار بريك الغداء" والهدف منها مراجعة انواع السيجار اللي يكون وقت تدخينها من ٣٠ الى ٤٠ دقيقة. اغلبها راح يكون لونق فيللر، مع بعض الاستثناءات. سيجار اليوم من ارتورو فوينتي من لاين القران ريزيرڤا بحجم پيتيت كورونا (٥٣٨).
أنا عادة أدخن سيجار واحد باليوم بين المغرب والعشاء. لكن من بديت بالصيام المتقطع قبل أشهر، لقيت نفسي أعاني من الفراغ العاطفي وقت بريك الغداء. بديت أسوي قهوتي بنفسي وقت البريك، بس للحين ما قدرت أسد الفجوة. وقتها بديت ألتفت للسيجار بالأحجام هذي وصرت أدخن سيجارين باليوم.
الأحجام هذي، نظراً لصغر النسبة بين الفيللر من جهة والبايندر والراپر من جهة ثانية، تكون نوتاتها صعب تمييزها. كل اللي تعطيك هو نكهة التبغ الخام اللي فيها بدون أي فلتر. ولقيت ان الحجم هذا، السحبة فيه ثقيلة شوي. والغريب اني ما قدرت اعتبر هذا عيب بنظري. ثقل السحبة خفف من حدة النكهة.
وقت التدخين كان قريب الـ ٣٥ دقيقة وتجربة متناسقة وثابتة من اول ما يلمس اللهب طرف السيجار، لين ما ينزل لمثواه الأخير في الطفاية. بالمقارنة بينه وبين الاكسوزيتوز من ارتورو فوينتي يفوز هذا لأنه لونق فيللر بينما الاكسوزيتوز ميكس فيللر (رجيع لاين الهيمينجواي).
سيجار رائع بحق.
نقطة أخيرة، الكوب اللي كنت أشرب قهوتي فيه من صنع الرائعة @clay_by_alaa. أكوابها الخزفية مصنوعة يدوياً في جدة وتعطي لأي شي ينشرب فيها رونق خاص.
Comments